“Mos bëj zhurmë”- I moshuari nxjerr thikën dhe kanos shokun në Qendrën Polivalente

Një 84-vjeçar në Qendrën Polivalente Poliçan, është arrestuar nga policia pasi kanosi me mjet prerës një tjetër të moshuar. Bëhet me dije se shkak i konfliktit është bërë një debat për zhurmën në kohën e pushimit.

84-vjeçari me inicialet I.B., pasi i ka kërkuar 82-vjeçarit të mos bëj zhurmë, ka nxjerrë një biçak dhe e ka kërcënuar se do ta godasë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, për veprën penale “Kanosja”.

“Stacioni i Policisë Poliçan referoi materialet në Prokurori, ku nisi procedimi në gjendje të lirë për shtetasin I. B., 84 vjeç, banues në Qendrën Polivalente Poliçan.

Dyshohet se shtetasi I.B është konfliktuar dhe e ka kanosur me mjet prerës (biçak), shtetasin N. N., 82 vjeç, banues në të njëjtën qëndër për arsye se 82-vjeçari shkaktonte zhurmë në kohën e pushimit”, thuhet në njoftimin e policisë.

LEXONI GJITHASHTU:

• Fshehën vrasjen në azil, dëshmia e infermiereve pas arrestimit: Menduam se u rrëzua
• Arrestimi i infermiereve në azilin ku u vra i moshuari, zbardhen akuzat