EMRI| I akuzuar për plagosje dhe vjedhje në Gjermani, ekstradohet 35-vjeçari

Një shtetas i akuzuar për plagosje dhe vjedhje në Gjermani është ekstraduar këtë të enjte nga Shqipëria.

Shtetasi Zeki Oz. akuzohet nga autoritetet gjermane për një ngajrje të ndodhur në një vendparkim automjetesh në Heiningen, ku rrahu me sende të forta një person si dhe i vodhi atij çantën me sendet personale.

Zeki Oz. u arrestua rreth dy muaj më parë në Pikën Kufitare të Morinës, duke hyrë drejt territorit shqiptar.

“Në vijim të bashkëpunimit të ngushtë me homologët e Interpol Ëiesbaden, specialistët e Interpol Tiranës finalizuan procedurën për ekstradimin nga Shqipëria në Gjermani, të shtetasit gjerman, të shpallur në kërkim ndërkombëtar, Z. O., 35 vjeç.

Ai u ndalua në PKK Morinë, rreth 2 muaj më parë, pasi rezultoi se akuzohet nga autoritetet gjermane, për plagosje dhe për vjedhje. Dyshohet se në vitin 2019, 35-vjeçari, në një vendparkim automjetesh në Heiningen, ka goditur një shtetas, me grushte dhe me send të fortë, si dhe i ka vjedhur atij çantën me sende personale.

Policia e Shtetit vijon intensivisht bashkëpunimin me homologët, për të kapur dhe nxjerrë përpara drejtësisë, shtetasit e kërkuar ndërkombëtarisht”, thuhet në njoftimin e policisë.

LEXONI GJITHASHTU:

• Siguroi kushte për vrasjen e Nuredin Dumanit, ekstradohet nga Kosova Arben Lamçja
• Pjesë e grupit ku u arrestua Breçani, ekstradohet nga Spanja 50-vjeçari