Prençi tregon rajonin më të rrezikshëm në vend: Ja ku ka më shumë atentate e vrasje

Ish-drejtuesi i policisë, Shemsi Prençi ishte këtë të martë në “Now me Erla Mëhillin” ku tha se rajoni më i rrezikshëm i Shqipërisë është trekëndëshi Tiranë-Rinas-Fushë Krujë.

Ai tha se ndonëse kjo zonë i ka kaluar në varësi të  policisë së Tiranës sërish ngjarjet kriminale kane qenë njësoj. Sipas Prençit çdo vit ka nga 2 deri në 3 deri në 4 atentate në aksin nga Fushë-Krujë, deri në zonën e Don Boskos.

“Unë do ndalem në dy probleme, po të analizojmë një rajon që është më i rrezikshmi në Shqipëri, trekëndëshi Tiranë-Rinas-Fushë Krujë. Ky rajon ka vrasës me pagesë, strehë të botës së krimit, organizator dhe krerë të grupeve kriminale.

Kjo trysni ka detyruar policinë e shtetit që komisariati i policisë së Krujës të mos jetë më në varësi të drejtorisë së policisë së Durrësit, por të kalojë në varësi të Tiranës. Çuditërisht kemi që nga viti 2017, janë grabitur tre herë para në Rinës. Kemi çdo vit nga 2 deri në 3 deri në 4 atentate në aksin nga Fushë-Krujë, deri në zonën e Don Boskos.  Zona me problematikat më të mëdha dalin më shumë se në gjithë Tiranën bashkë në Don Bosko.