“Ishte e rrezikshme”, flet dëshmitari i zjarrit në Elbasan: 30 punëtorë në fabrikë

Një zjarr i përmasave të mëdha ka përfshirë një fabrikë të plastikës brenda ambienteve të ish-Metalurgjikut në Elbasan këtë të mërkurë. Zjarri ka marrë përmasa të frikshme duke vënë në rrezik e punonjësve të kësaj fabrike.

Një dëshmitar i ngjarjes, punonjës i një fabrike tjetër pranë asaj të përfshirë nga flakët tha në një komunikim për mediat se situata ka qenë shumë e rrezikshme për jetën e 25-30 punonjësve të fabrikës që prodhonte arka dhe tuba plastikë.

“Ishte një situatë tej mase e rrezikshme, qoftë për punëtorët e fabrikës qoftë për personelin që ka punuar me forcat e veta për të shuar flakët para se të vinte zjarrfikësja, kemi hapur tubat e zjarrfikëses në fabrikë. Për momentin zjarri është vënë nën kontroll por ka qenë tej mase e rrezikshme. Fabrika prodhon arka plastike dhe tuba për kalimin e ujit, po plastike. Shkaku i zjarrit ka qenë shkëndija elektrike nga tensioni i lartë që ka ardhur nga KESH me një rrymë prej 285 volt, jo si normalja që vjen 240. Nuk ka pasur të dëmtuar, as të lënduar. Në fabrikë gjenden rreth 25-30 punëtorë”, tha ai.

LEXONI GJITHASHTU:

• Zjarri në Elbasan, anëtari i këshillit bashkiak: Ndodhen afër dy magazina me bateri
• Zjarri i përmasave të mëdha përfshin fabrikën e plastikës në Elbasan