SHBA akuzon mediat ruse se po ndikojnë zgjedhjet, ministrja ruse: Do kenë përgjigje

Rusia ka deklaruar  se do të ndërmarrë masa ndaj mediave amerikane, kjo pasi Shtete e Bashkuara kanë akuzuzar mediat ruse për ndikim e tyre në zgjedhjet presidenciale të nëntorit.

Një ditë më herët, SHBA-ja ngriti akuza për pastrim parash ndaj dy punonjësve të RT-së për atë që zyrtarët thanë se ishte një skemë për të punësuar një kompani amerikane që të prodhojë përmbajtje online për të ndikuar në zgjedhjet e vitit 2024.

SHBA-ja, po ashtu, njoftoi për veprime që shënjestrojnë median “Russia Today”, përfshirë kryeredaktoren Margarita Simonyan.

Zyrtarët amerikanë thanë se qëllimi i Rusisë është të krijojë përçarje politike në SHBA dhe të dobësojë mbështetjen e publikut amerikan për ndihmën për Ukrainën, e cila po përballet me luftën e nisur nga Rusia.

“Kur autoritetet ndërmarrin veprime të tilla primitive për të ndikuar te votuesit e tyre, kjo paraqet rënie të ‘demokracive liberale’”, tha zëdhënësja e Ministrja e Punëve të Jashtme ruse përmes një deklarate.

“Do të ketë përgjigje”, shtoi ajo.

LEXONI GJITHASHTU:

• ‘Surprizon’ Putin: Dua që zgjedhjet në SHBA t’i fitojë Kamala Harris!
• Akuzohet për tradhëti, mediat ruse pretendojnë se 33-vjeçarja u deklarua fajtore