Beteja për miliona euro, Mbappe fiton gjyqin e parë ndaj PSG

U duk se do të ishte një zgjidhje e lehtë, por me gjasa Mbappe do të duhet të presë ende për 55 milionë eurot, të cilat i detyrohet ish-skuadra e tij PSG. Në gjyqin e zhvilluar të enjten futbollisti ka marrë dritën jeshile nga komisioni ligjor, por ky vendim nuk është pritur mirë nga parizienët, të cilët kanë deklaruar se kanë mjaftueshëm prova favorizuese për ta fituar gjyqin. Në seancën e parë të zhvilluar të enjten, ku pritej që palët të arrinin marrëveshjen, u deklarua se Mbappe nuk është paguar për muajt prill, maj, qershor, si dhe nuk ka përfituar bonuset të cilat i parashikon kontrata.

Në këtë pikë, PSG ishte kundër dhe refuzoi të firmoste marrëveshjen e pajtimit, duke bërë që çështja të shkojë në gjykatë. Në këto kushte pritet që gjyqi mes futbollistit dhe skuadrës në të cilën shkëlqeu të jetë i gjatë, ndoshta edhe për vite me radhë.

Për 7 sezone me radhë 25-vjeçari ishte pjesë e parizienëve ku arriti të fitojë disa trofe si dhe shënoi afro 200 gola.

LEXONI GJITHASHTU:

• Suarez tërhiqet nga kombëtarja, golashënuesi më i mirë në histori për ekipin
• Mbappe “hakmerret” ndaj PSG, francezi hedh në gjyq ish-ekipin, kërkon miliona euro