Mandati i Xhaçkës nuk u dërgua në Kushtetuese, delegacioni i BE reagon për Euronews

Çështja për mandatin e Olta Xhaçkës, pas votimit në Kuvend në seancën e ditës së djeshme nuk u dërgua në Gjykatën Kushtetuese.

Pas interesimit të Euronews Albania, delegacioni i Bashkimit Europian në Tiranë dha këtë përgjigje për votimin në parlament të mos dërgimit në gjykatën kushtetuese të mandatit të deputetes Olta Xhaçka.

“Ne kemi shprehur shqetësimet tona edhe në raportin e fundit mbi Sundimin e Ligjit në Shqipëri, lidhur me faktin që disa vendime të Gjykatës Kushtetuese nuk janë zbatuar nga Parlamenti, përfshirë edhe në lidhje me këtë çështje, ku vendimi i Gjykatës Kushtetuese daton më shumë se një vit e gjysmë më parë (janar 2023).

Na inkurajoi fakti që Kryetarja e Parlamentit, gjatë hapjes së sesionit parlamentar javën e kaluar, theksoi si prioritet nevojën që Kuvendi të ndjekë vendimet e mbetura të Gjykatës Kushtetuese.

Ajo çka ndodhi dje nuk është një hap në drejtimin e duhur.

Zbatimi i vendimeve të Gjykatës Kushtetuese nga Parlamenti është një çështje thelbësore pasi lidhet me kontrollet dhe balancat institucionale në sistemin demokratik të vendit”,-reagoi për Euronews Albania delegacioni i BE-së.

LEXONI GJITHASHTU:

• Xhaçka: S’kam përfituar asgjë, investimi i bashkëshortit tim 100% privat
• Mazhoranca nuk e miraton, mandati i Olta Xhaçkës nuk kalon në Kushtetuese