Për herë të tretë, socialistët pengojnë kalimin në Gjykatën Kushtetuese të çështjes së mandatit të ish Ministres së Jashtme Olta Xhaçka.

Gjate mesnatës u hodh sërish ne votimi kërkesa për te çuar ne Gjykatën Kushtetuese mandatin e deputet Olta Xhacka.

Socialistët kësaj here nuk votuan kundër, por 65 prej tyre abstenuan dhe vetëm 9 u shprehën kundër.

Nga ana e deputeteve te PD qe kanë kërkuar dhe mandatin e Xhaçkes ne sallë ishin vetëm 25 deputet që votuan në favor gjë qe nuk e ndryshoj vullnetin e socialistëve për të mbrojtur deputete socialiste

Rasti i mandatit të deputetes Xhaçka e ka zanafillën që në qershor të vitit 2022, kur 14 deputetë demokratë, iu drejtuan parlamentit me një mocion për konstatimin e pavlefshmërisë dhe përfundimin e mandatit të ish ministres.

Paralelisht, disa ditë më vonë një mocion i ngjashëm u paraqit dhe nga një tjetër grup deputetësh të opozitës. Sipas tyre zonja Xhaçka ishte në konflikt interesi, duke qenë se bashkëshorti i saj, ish deputeti socialist Artan Gaçi, kishte përfituar statusin e investitorit strategjik për ndërtimin e një hoteli në bregdetin e Dhërmiut.

Ndërkohë që vetë zonja Xhaçka ka këmbëngulur se ajo nuk ka përfituar asnjë qindarkë nga fondet publike, dhe se statusi që ka përfituar bashkëshorti i saj nuk parashikon që diçka e tillë të ndodhë.

Në atë kohë, socialistët vlerësuan se nuk plotësoheshin kriteret për dërgimin e çështjes në Gjykatën Kushtetuese. Në nëntor 2022, ata votuan kundër mocionit të opozitës, e cila menjëherë më pas iu drejtua Gjykatës.

Mbetet e paqartë se si do të veprohet më tej, dhe nëse deputetët e opozitës do të kërkojnë sërish ndërhyrjen e Gjykatës e cila praktikisht është vënë në një përplasje të drejtpërdrejtë me parlamentin.

Kryetarja Elisa Spiropali, përfaqësuese e shumicës socialiste, u shpreh pas votimit se do t’i drejtohej menjëherë Komisionit të Venecias, për të bërë një interpretim të situatës, e cila si asnjëherë më parë, ka vënë përballë dy nga institucionet më të rëndësishme të vendit.

LEXONI GJITHASHTU:

• SHBA njoftojnë masa shtesë ndaj qeverisë së Venezuelës
• Kaluan në mënyrë të jashtëligjshme kufirin, Rusia shpall në kërkim 6 gazetarë