Vuajtjet e pafundme të Kostandinit: Dhimbjen për humbjen e djalit e kalova në punë

Kovaçi Kostandin Qosja ka rrëfyer në emisionin ‘Real People’ në Euronews Albania detaje nga jeta e tij dhe një moment të vështirë që ka kaluar në vitin 1996.

Qosja tha se në vitin 1996 ka humbur djalin e tij në Greqi, i cili ishte 18-vjeç dhe ndërroi jetë pasi u përplas nga treni, pasi së bashku me një shok tjetër, i kishte zënë gjumi në shina.

Qosja tha se lajmin e përjetoi shumë keq, duke shtuar se i biri që kishte ndërruar jetë ishte një djal shumë punëtor.

Ai shtoi më tej se dhimbjen për humbjen e djalit e kaloi kryesisht në punë, duke treguar se ra shumë në të gjitha aspektet pas humbjes së djalit.

“E kujtoj, si nuk kujtohet fëmija. Ka qenë burrë, nuk ka qenë kalama. Bie shumë njeriu kur humb një fëmijë, ndaç nga truri, ndaç nga dashuria, ndaç nga të gjitha. Unë fillova punoja më shumë madje. E kaloja te puna. Unë te puna e kam kaluar jetën. Unë ia thash gruas. Ku kisha më unë zemër t’i bija gërnetës, alamet djali, 18-vjeç djal. Një që ikën nuk kthehet më, është e kotë ta mbash më mendjen atje”, tha Qosja.

LEXONI GJITHASHTU:

• Nga muzikant në Kovaç, historia e 80-vjeçarit që braktisi pasionin për zanatin
• Historia e dhimbshme e kovaçit të moshuar: Si më vdiq djali 18-vjeçar në Greqi