Rriten nevojat për gjak, mjekët hasin vështirësi për grupet e rralla

Bankat e gjakut vihen çdo ditë në vështirësi për të siguruar grupet e rralla të gjakut në rastet e aksidenteve, ku mjekët e kërkojnë në mënyrë të menjëhershme.

Sipas ekspertëve dhurime më të ulta janë nga qytetarët me grup gjaku  ab -, b-, a- dhe 0-, të cilët përbëjnë vetëm 5 % të totalit të njësive të gjakut të dhuruara.

“Ne duhet të kemi rreth 100 njësi gjak në ditë për të plotësuar nevojat , ndonjëherë kemi vështirësi në grupet e rralla janë në përqidje shumë të ulta në të gjithë popullatën dhuruese, dhe do të kemi shumë pak 0 negativ  që është edhe grupi që u jep të gjithëve pacientëve dhe që ne kemi më tepër vështirësi,” –tha Viola Konomi, Drejtore e Mbledhjes e Përpunimit të Gjakut.

Nevojat për gjak janë gjithmonë në rritje edhe për shkak të sëmundshëmrisë së shtuar dhe ndërhyrjeve kirurgjikale.  Por aktualisht dhurimet vullnetare janë në nivelin e  25%.

“Ne ende jemi në shifra shumë të ulta përsa i përket dhurimeve vullnetare. Dhurimet zënë 75 % familjare  dhe 25 % janë vullnetare. Në rastin kur ka një aksident spitalet dhe banka e gjakut vihen në vështrësi për të gjetur grup të rrallë gjaku në atë moment,” –tha më tej Konomi.

Gjendur në këto kushte ekspertët kërkojën ndërgjegjësimin e popullatës për të rritur dhurimet vullnetare dhe ky ndërgjegjësim duhet të fillojë që në shkollë me kurrikula të veçanta për vlerën e dhurimit të gjakut për pacientët ne nevojë.

LEXONI GJITHASHTU:

• Gjirokastër| Punonjësit e Policisë dhurojnë gjak për fëmijët talasemikë
• Nëna nga Gjakova rrëfen plagët: Jetova 3 vite me idenë që djemtë e mi ishin gjallë