Kujtoi se gjeti punë në Moskë, indiani përfundon në frontin e luftës

Një burrë nga Kashmiri, Azad Yousuf Kumar, ka rrëfyer përvojën e tij  pas një mashtrimi për një ofertë pune në Moskë, e cila e çoi atë në frontin e luftës në Ukrainë.

Kumar, 32 vjeç, u bashkua me disa bashkëkombës të tjerë në këtë aventurë, duke nënshkruar një kontratë në rusisht, pa e kuptuar përmbajtjen.

Pas mbërritjes në Moskë, indiani dhe shokët e tij u dërguan për trajnim ushtarak dhe më pas në zonat e luftës, ku punuan për të hapur llogore dhe ndërtuar bunkerë, pa ushqim dhe ujë të mjaftueshëm.

Familja e tij në Kashmir, e shqetësuar për fatin e tij dhe kërkoi ndihmë nga autoritetet indiane.

Kryeministri Narendra Modi thuhet se e ngriti këtë çështje gjatë një takimi me Presidentin Vladimir Putin.

Pas një periudhe të gjatë pritjeje, Kumar dhe 34 të tjerë u kthyen në atdhe, por ai thekson se shumë indianë të tjerë që u mashtruan ende ndodhen në situata të rrezikshme.

LEXONI GJITHASHTU:

• Një banor i Moskës dënohet me pesë vjet burg për shkak të një interviste
• Dronët ukrainas kërcënojnë aeroportet e Moskës teksa rusët shënjestrojnë Kievin