Dhuna e motrave Berisha ndaj Klea Prengës, del ekspertiza: Ka dëme të pariparueshme

Blogerja Klea Prenga e cila u dhunua nga motrat Antonela dhe Marinela Berisha sipas Institutit të Mjekësisë Ligjor rezulton se të resë i janë shkaktuar dëmtime të pariparueshme dhe të përhershme, të cilat klasifikohen në kategorinë e dëmtimeve të rënda trupore.

Në ekspertizën mjeko-ligjore thuhet se e reja në momentin që është paraqitur pranë IML ka qenë e ngarkuar emocionalisht, ndërsa kohët e fundit është mbyllur në vetvete duke kufizuar daljet në publik dhe nuk frekuenton ambientet e dikurshme për shkak të kompleksit të krijuar nga pamja e jashtme.

Gjithashtu për shkak të kësaj situate ka humbur edhe punën si blogere. Aktualisht ka mpirje të anës së djathtë të fytyrës dhe buzës.

Ngjarja ka nodhur në gusht teksa Klea Prenga ishte duke darkuar me mikeshat e saj në një nga restorantete e kryeqytetit. Dy motrat Berisha i janë afruar dhe e kanë goditur me sende të forta në fytyrë.

Shkak i dhunës dyshohet se është bërë lidhja jashtëmartesore e bashkëshortit të Marinelës me Klea Prengën, por kjo e fundit e ka mohuar një gjë të tillë.

Edhe pse kanë kaluar disa muaj nga ky sulm motra Berisha vijojnë të jenë ende në arrati dhe akuzohen për plagosje të rëndë me dashje.

LEXONI GJITHASHTU:

• Von der Leyen kritika Orbanit për mbështetje ndaj Rusisë: Ke përkëdhelur Putinin
• Zbardhet agjenda e vizitës së presidentit turk Erdogan në Tiranë