Pse u refuzua komisioni “Xhafaj”? Përgjigjet ministri i Drejtësisë Ulsi Manja

SPAK, Gjykata kushtetuese, Gjykata e Lartë Prokuroria e Tiranës bënë pak kohë më parë se nuk pranojnë të jetë pjesë e Komisionit Antikorrupsion, i ashtuquajtur komisioni “Xhafaj”.

I pyetur lidhur me këtë, ministri i Drejtësisë Ulsi Manja tha në një deklaratë për mediat se nuk bëhet fjalë për refuzim, por praktikë pune të këtyre institucioneve, që shkon në një linjë me pavarësinë e sistemit të drejtësisë.

Manja u shpreh se organet e reja të drejtësisë janë treguar të gatshme të ofrojnë ekspertizë, por jo me prezencë fizike të ekspertëve.

“Sistemi ka thënë do ju japim ekspertizë, por nuk do paraqitemi me ekspertë dhe kjo është normale për pavarësinë e sistemit të drejtësisë. Kemi shkëmbyer vazhdimisht sugjerime, këtë kanë kërkuar organet e reja të drejtësisë, këtë natyrë bashkëpunimi. Janë treguar të gatshëm për ekspertizë ligjore por jo me prezencë fizike të ekspertëve”, tha Manja.

LEXONI GJITHASHTU:

• Nga bojkoti i komisionit “Xhafaj” te protesta e opozitës, flet ambasadori i BE
• Karamuço për Komisionin Xhafaj: Ka në plan të ndryshojë Kushtetutën