“Nuk ndryshoj mendim çdo javë”, Qori: Kundër bashkëpunimit me Lapaj dhe Shabanin

Arlind Qori kryetari i Lëvzjes Bashkë, ishte këtë të hënë i ftuar në “Now me Erla Mëhillin” në Euronews Albania ku u pyet nëse kishte ndryshuar mendim lidhur me krijimin e një koalicioni të mundshëm me Nismën Thurje apo me Shqipëria Bëhet.

Ai tha se nuk shquhet si një njeri që ndryshon mendim çdo javë, ndërsa shpjegoi se përse ky bashkëpunim me këto forca politike të drejtuara nga Endri Shabani dhe Adriatik Lapaj për të nuk është i mundur.

“Unë nuk shquhem si njeri që ndryshoj mendje çdo javë. Dua të bëj një arsyetim më të gjerë. Këtu po bëhen shumë parti opozitare dhe ka vetëm një parti që qeverisë, për mua problemi është që partia që qeveris, ka shumë vite që qeveris e vetme dhe nuk ka asnjë parti në kualicion. Ky është një nga problemet kryesore, se kemi një parti që ka një pushtet që e projekton pushtetin deri sa Edi Rama të jetë gjallë.

Për mua pluralizimi opozitar më duket vlerë.  Sepse verisoni të kalojmë nga monizmi në dypartitizëm, për mua ëhstë vdekje e politikës, vdekje e mundësive politike dhe e nevojës për t’u përfaqësuar. Kur vjen puna te opozita, problemi për mua është se partitë e sotme, mund të ndahen në tre rryma.

Janë partitë e djathta, si ajo e Berishës, e zotit Basha, e Alibeajt, e zotit Shehaj që kanë pikëpamje ideopolitike të djathta. Ata duhet të gjejnë gjuhën me njëri-tjetrin.

Ka një model të dytë partish, që janë përtej të majtës dhe të djathtës, që është zoti Rama dhe çdo alternativë tjetër,. ata kanë një qasje ideo-politike që janë përtej të majtës dhe të djathtës.

Ka edhe një vetëm parti që përfaqëson të majtën demokratike që është “Lëvizja Bashkë”, që e ka treguar që në fillim, me gjuhë e me simbole që përfaqëson të majtën. Ne duam të përfaqësojmë këtë shtresë shoqërore që nuk i përfaqëson njeri. Nga ana tjetër “Lëvizja Bashkë” ka edhe një specifikë, kontradiktën e shikon me qeverinë, me sistemin e vjetër partiak, por bashkë me to edhe me oligarkinë ekonomike. Për të gjitha këto arsye, “Lëvizja bashkë” është një parti e veçantë që përpiqet ti thërrasë shumicës së popullit shqiptar”,-tha Qori.

LEXONI GJITHASHTU:

• “Të shkonim te Berisha, në shtëpi ose…”, Deputeti Agalliu flet për “Djathtas 1912”
• “Të copëzuar i shërbeni Ramës”, Kikia për fragmentarizimet e opozitës