Opozita protestë në Strasburg, nesër deputetët e PD para Parlamentit Europian

Pas protestave në Kuvendin e Shqipërisë, për herë të parë, të mërkurën e 23 tetorit deputetët e opozitës do të protestojnë para Parlamentit Europian në Strasburg, në të njëjtën ditë kur PE mblidhet në seancë plenare.

Burime bëjnë me dije se pritet të ketë një ndarje në dy grupe të deputetëve.

Njëri grup i deputetëve do të hyjnë brenda Parlamentit Europian për të zhvilluar takime me eurodeputetët, ku do i njoftojnë ata sa i takon situatës me opozitën në Shqipëri dhe grupi tjetër do të jenë para Parlamentit Europian me pankarta në duar për të protestuar.

Në protestë pritet të jenë rreth 30 deputetë. Kjo është hera e parë, që deputetët shqiptarë organizohen për të protestuar para Parlamentit Europian.

Kjo lëvizje e Partisë Demokratike vjen pas dënimit të Ervin Salinajit me 1 vit burg për kallëzim të rremë në dosjen ‘Babale’.

Deputetët opozitarë kërkojnë sensibilizim për kauzat e tyre, që nga përjashtimet nga Kuvendi, kërkesa për qeveri teknike, apo edhe dënimi i Salianjit e masa e sigurisë dhënë për Sali Berishën, të cilat i konsiderojnë të padrejta.

LEXONI GJITHASHTU:

• Në fokus aksioni opozitar, zbardhen diskutimet në mbledhjen e grupit të PS
• PD mbledh Këshillin Kombëtar, nis aksionin opozitar pas dënimit të Salianjit