“Kush e nxorri dosjen?” Monika Kryemadhi mbërrin në GJKKO

Monika Kryemadhi ka mbërritur në GJKKO ku mbahet sot seanca për ish-presidentin Ilir Meta.

Para se të hynte në Gjykatë, Kryemadhi tha për mediat se do kërkojë llogari se kush prokuror ka nxjerrë në media dosjen, duke shkelur sipas saj sekretin hetimor.

“Po shkoj sot për tu paraqitur përballë një sistemi drejtësie të kastruar. Nëse inteligjencën nuk e kanë aq të zhvilluar sa të kuptojnë se ç’do të thotë fjala kastruar, për tu treguar dhe për të kërkuar nga ata se kush e ka shpërndarë dosjen në media që ka nxjerrë sekretin hetimor.

Për të kuptuar që drejtësia e Edi Ramës nuk është drejtësia që kanë kërkuar shqiptarët, as e partnerëve tanë, por është drejtësia e propagandës së Edi Ramës. Gjithsesi do i shikojmë, do i shikojmë edhe fytyrat si i kanë a e përballojnë dot a jo”,-tha Kryemadhi.

LEXONI GJITHASHTU:

• Ish-presidenti Meta mbërrin në GJKKO, do njihet me masën e sigurisë
• “Jam indinjuar nga SPAK”, Kryemadhi: Familjarët e mi u kërcënuan, u rrëmbyen…