Hetimet për ’21 janarin’, Tahiri në SPAK: U pyeta edhe për kallëzimin ndaj Bashës

Ish-ministri Sajmir tahiri është paraqitur këtë të premte në Prokurorinë e Posaçme, ku është pyetur në lidhje me dosjen e 21-Janarit, në cilësinë e kallëzuesve për këtë çështje.

Jashtë ambienteve të SPAK, ku pati një pronocim të shkurtër për mediat, u shpreh se u pyet si protestues dhe në cilësinë e personit një kallëzim të bërë në vitin 2015 prej tij.

Tahiri theksoi se shpreson që cështja, për të cilën ai ka qëndruar rreth 1 orë e 20 minuta,  të zbardhet dhe personat e përfshirq të mbajnë përgjegjësi.

Referuar fjalës së tij në Kuvend në 2015, Tahiri pretendon se Basha është personi që ka dhënë urdhër për hedhjen e lëndëve kimike mbi protestuesit.

“U pyeta për rolin që kam pasur në datën 21 janar dhe kallëzimin që kam bërë në vitin 2015. I qëndroj pikë për pikë asaj që kam thënë. Roli im ka qenë protestues. Të gjithë kemi qenë protestues. Është një ngjarje që duhet zbardhur. Shpresoj shumë të zbardhet” , tha ai për gazetarët pasi doli nga SPAK.

LEXONI GJITHASHTU:

• Saimir Tahiri paraqitet në Prokurorinë e Posaçme, zbardhet arsyeja
• Policia “rrethon” universitetin e Elbasanit, arrestohen disa pedagogë