Drejtuesit e policisë në qarqe: Publikohet lista e kandidatëve dhe pikët e fituara

Policia e Shtetit ka publikuar listën e kandidatëve dhe pikët që ka marrë secili prej tyre në garën e hapur për përzgjedhjen e drejtuesve të rinj të policisë në qarqe.

Policia e Shtetit bën me dije se në bazë të vlerësimit të marrë do të bëhet dhe përzgjedhja e drejtuesve të rinj të policisë në 12 qarqet e vendit.

Sipas rregullores, ata që kanë grumbulluar mbi 70 pikë nga procesi i vlerësimit kanë të drejtën të emërohen si drejtues të rinj të qarqeve. Aktualisht, nga vlerësimi i realizuar, ka 15 kandidatë që kanë arritur të kalojnë pragun e 70 pikëve. Nga këta, pritet të përzgjidhen 12, të cilët do të marrin pozitat e drejtorëve të rinj të qarqeve.

Përzgjedhja finale do të realizohet nga Drejtori i Përgjithshëm i Policisë së Shtetit.

“Komisioni i Vlerësimit të Aplikimeve për përzgjedhjen e kandidatëve, i përbërë nga 3 drejtues të lartë të Policisë së Shtetit, pas shqyrtimit të dokumentacionit dhe intervistës së kandidatëve të cilët kanë aplikuar për pozicionin “Drejtor i Drejtorisë Vendore” në Policinë e Shtetit, vendosi të shpallë listën e pikëve të fituara nga secili kandidat gjatë procesit të konkurrimit.

Konkurrentët Artur Shira, Dritan Malaj dhe Lorenc Shehu nuk u paraqitën në fazën e intervistës.

Konkurrentët kanë të drejtën e ankimimit brenda 2 ditësh nga momenti i publikimit në faqen zyrtare të Policisë së Shtetit të vendimit me vlerësimin përfundimtar të secilit”, njofton policia.

Më poshtë gjeni dhe vlerësimin e pikëve që ka marrë secili kandidat:

LEXONI GJITHASHTU:

• Hapet gara për drejtuesit e policisë në qarqe
• Gara për Shefat e Komisariateve: 200 aplikantë mes të cilëve dhe disa gra
• Kush është Ilir Proda, 41-vjeçari që pritet të drejtojë Policinë e Shtetit