Masakra në Dobraç/ Prokuroria e Shkodrës shpall moskopetencën, çështja kalon në SPAK

Masakra e Dobraçit me 4 viktima, prokuroria e Shkodrës shpall mos kompetencën dhe kalon për hetim në SPAK.

Prokuroria e Shkodrës ka dyshime se ngjarja është kryer nga një grup kriminal, vepër penale që është kompetencë e SPAK.

Masakra e Dobraçit ndodhi pasditen e 30 tetorit 2024. Shënjestër ishin Hamza Lici dhe Arlind Bushati të cilët po udhëtonin me të njëjtin automjet, në kohën kur u qëlluan me breshëri nga një tjetër makinë në lëvizje. Hamza Lici humbi jetën menjëherë në vendngjarje ndërsa Arlind Bushati ndërroi jetë disa orë më vonë në spital.

Përveç tyre në këtë atentat humbën jetën edhe dy kalimtarë rasti, bashkëshortët Flutura dhe Bashkim Basha. Ata po lëviznin me motor kur u përplasën nga automjeti me të cilin udhëtonin Hamza Lici dhe Arlind Bushati. Lici ka humbur kontrollin e mjetit në përpjekje për të shmangur të shtënat dhe në këtë çast është përplasur me çiftin e bashkësortëve.

Autorët e atentatit janë ende të paidentifikuar.

LEXONI GJITHASHTU:

• Masakra në Dobraç, Sali Berisha njofton mbajtjen e një proteste në Shkodër
• “Kam frikë të dal”, qytetarja nga marshimi për masakrën në Dobraç: Vranë djem nënash