Përfundon faza e grupeve në Ligën e Kombeve: Shqipëria bie në Ligën C

Liga e kombeve ka mbyllur fazën e saj të parë, atë të grupeve, ku janë konfirmuar ekipet të cilat avancojnë më tej, skuadrat që ngjiten një kategori më sipër, por dhe ato të cilat kanë dështuar në përmbushjen e objektivave, e do të duhet që edicionin e ardhshëm të luajnë një ligë më poshtë. Mbrëmjen e së martës janë zhvilluar sfidat e gjashta në grup në ligat A, B, C dhe D.

Në 4 grupet e Ligës A skuadrat fituese janë Portugalia, Franca, Gjermania dhe Spanja, ndërsa ato të vendeve të dyta, të cilat synojnë po ashtu trofeun janë Kroaci, Itali, Holandë e Danimarkë. Nga Liga B, në të cilën bënte pjesë dhe Shqipëria, ekipi që grumbulloi më tepër pikë ishte Anglia, që rikthehet sërish mes të mëdhenjve të Evropës.

Fatkeqësisht kuqezinjtë e udhëhequr nga Sylvinho kanë zbritur në Ligën C për edicionin e ri. Një shans të madh ka Kosova, e cila do të luajë play-off për t’u ngjitur në Ligën B. Bazuar në formatin e Nations League, do të hidhet shorti më 22 nëntor, që do të konfirmojë dhe çiftet e skuadrave që luajnë play-off, aty ku dardanët do të njohin kundërshtarin e tyre një mes Gjeorgjisë, Islandës, Irlandës apo Sllovenisë.

LEXONI GJITHASHTU:

• Ndeshja Shqipëri-Ukrainë, del formacioni i Kombëtares, jashtë Bajrami për Muçin
• Ukraina “gjunjëzon” Kombëtaren në Tiranë, dështon Shqipëria, mbyll e fundit grupin