Manchester United beson te fitorja, përballet në mbrëmje me Arsenalin

Ndaj Arsenalit do të jetë përballja më e vështirë deri më tani për Ruben Amorim, teknikun e ri që drejton Manchester United. Portugezi beson se pas fitores ndaj Everton pak ditë më parë, suksesi mund të përsëritet edhe ndaj topçinjve, megjithatë situata nuk është e njëjtë në të dyja kampet. Përballjet e fundit mes tyre u kanë buzëqeshur të besuarve të Artetës, por ndryshimet në skuadër bëjnë që te djajtë e kuq besimi të jetë i madh.

Mungesa kyçe ka te të dyja ekipet, por tanimë teknikët, si Arteta ashtu dhe Amorim, i kanë gati formacionet. Favoritë për fitimin e përballjes cilësohet ekipi londinez.

Në mbrëmje, në fushë zbresin edhe Liverpool dhe Manchester City, këta të fundit me shpresën se nga sonte nis kthesa. Të kuqtë e Arne Slot gjithashtu i pret një duel i vështirë në transfertë ndaj Newcastle, kundërshtar që di si të fitojë.

Në anën tjetër, “Citizens” presin në Etihad Nottingham Forest, një skuadër ndaj së cilës rezultatet janë në favor të tyre. Siç dihet, ekipi i Guardiolës vjen me 4 humbje radhazi në Premier League, një situatë e paprecedentë nën drejtimin e tij.

LEXONI GJITHASHTU:

• Bayern eliminohet nga Kupa e Gjermanisë, Neuer ndëshkohet me karton të kuq
• Manchester City në krizë! Guardiola rinovon deri në vitin 2026