Zyrtare! Orges Shehi, trajneri i ri i Ballkanit në Kosovë

Ish-trajneri i Tiranës e më pas Partizanit, Orges Shehi, është prezantuar zyrtarisht nga Ballkani. Klubi kosovar nga Suhareka ka nënshkruar me trajnerin durrsak, që provon për herë të parë një eksperiencë në Kosovë.

Ballkani ishte pa trajner, që pas largimit të Artim Pollozhanit. Eleminimi nga Kupa e Kosovës bëri që ky i fundit të jepte dorëheqjen.

Kujtojmë që trajneri shqiptar Ilir Daja pati një histori të gjatë suksesi me Ballkanin ndërkohë Shehi ulet sërish në stolin e një klubi kampion në fuqi, pikërisht në muajin dhjetor. Vitin e kaluar e bënte të njëjtën gjë me Partizani.

Njoftimi i Ballkanit:

Mirësevjen Orges Shehi!

Me kënaqësi ju njoftojmë emërimin e trajnerit të ri të skuadrës, Orges Shehi.

Shehi, një emër i njohur në futbollin shqiptar, sjell me vete përvojë të jashtëzakonshme dhe një vizion të qartë për të çuar përpara sukseset e klubit tonë.

FC Ballkani, kampion i Kosovës për tre vite radhazi, mbetet i përkushtuar për të vazhduar traditën e arritjeve dhe për të ngritur standardet e futbollit në vend. Besojmë se me lidershipin dhe aftësitë e Orges Shehit, skuadra jonë do të vazhdojë të shkruajë histori në fushën e lojës.

I mirëpresim Orges Shehin dhe stafin e tij në familjen tonë të madhe të FC Ballkanit dhe i urojmë suksese të shumta në këtë kapitull të ri!

Forca Ballkani!

LEXONI GJITHASHTU:

• Ivan Gvozdenoviç prezantohet te Elbasani, debuton kundër Vllaznisë
• Ilir Daja debuton me barazim, derbi me Partizanin mbyllet me barazim me gola