Shorti për kualifikueset e Kupës së Botës 2026, Kombëtarja njeh sot kundërshtarët

Kombëtarja Shqiptare do të njohë sot kundërshtarët për kualifikueset e Kupës së Botës 2026, turne i cili do të organizohet në 16 qytete në Kanada, Meksikë dhe SHBA.

Shorti do të hidhet në selinë qëndrore të FIFA-s në Zyrih në orën 12:00 ku të pranishëm nga FSHF do të jenë Armand Duka dhe tekniku Sylvinho me stafin e tij ndërsa Kombëtarja shqiptare është pjesë e vazos së tretë.

Vazo 1: Franca, Spanja, Anglia, Portugalia, Holanda, Italia, Gjermania, Kroacia, Zvicra.

Vazo 2: Suedia, Uellsi, Polonia, Rumania, Norvegjia, Çekia.

Vazo 3: Skoci, Slloveni, Republika e Irlandës, Shqipëra, Maqedonia e Veriut, Gjeorgji, Finlandë, Islandë, Irlanda e Veriut. Mali i Zi, Bosnja dhe Hercegovina, Izraeli.

Vazo 4: Luksemburgu, Bjellorusia, Kazakistani, Azerbajxhani, Estonia, Qipro, Ishujt Faroe, Letonia, Lituania.

Vazo 5: Moldavia, Malta, Andorra, Gjibraltari, Lihtenshtejn, San Marino.

Kualifikueset europiane për Kupën e Botës 2026 janë planifikuar të fillojnë në mars 2025 dhe të përfundojnë së bashku me fazën “play-off” në mars 2026.

Ekipet që janë renditur të parat në grupet e Nations League dhe vendet e dyta dhe të treta që luajnë për t’u ngjitur/zbritur nga ligat e NL do të jenë në grupe me katër ekipe dhe do të jenë pjesë e grupeve A-F.

Në total, 16 vende të UEFA-s do të kualifikohen për Kupën e Botës 2026. 12 fituesit e grupeve kualifikohen direkt në Kupën e Botës; katër vendet e mbetura përcaktohen nga play-off-et që përfshijnë 12 nënkampionët e grupeve.

Si funksionojnë play-off-et për Kupën e Botës 2026?

12 nënkampionët e grupeve do të marrin pjesë në play-off, së bashku me katër vendet e treta më të mira të Ligës së Kombeve UEFA 2024/25 që nuk e përfunduan fazën e tyre të grupeve të Kualifikimeve Evropiane në vendin e parë ose të dytë.

16 skuadrat që do të hyjnë në play-off do të tërhiqen në katër grupe play-off, me nga katër ekipe në secilën. Ndeshjet e play-off do të luhen në gjysmëfinale me një ndeshje të ndjekur nga finalet me një ndeshje brenda të njëjtës dritare ndërkombëtare në mars 2026.

LEXONI GJITHASHTU:

• FSHF prezanton Albanin, maskotën e Kombëtares shqiptare për EURO 2025 U-17
• Superkupa e Shqipërisë/ Egnatia-Kukësi luhet në “Arenën Kombëtare”