Berisha: Narkoshteti ka futur krimin e drogën në klasa, po fshehin ngjarjet e rënda

Kreu i Partisë Demokratike, Sali Berisha e ka cilësuar alarmante sigurinë në shkollë nisur nga ngjarjet e rënda kriminale të shënuara ditët e fundit.

Në konferencën e përjavshme me mediat, Berisha tha se ngjarjet e ndodhura janë shprehja më flagrante e depërtimit të krimit në shkolla, të drogës në shkolla.

“U bëj thirrje prindërve dhe nxënësve të bëjnë gjithçka për të shmangur episode të tilla të nxitura direkt nga pushteti i krimit. Këto janë shprehje flagrante të penetrimit të krimit në shkolla, të drogës në shkolla. Dënoj me ashpërsinë më të madhe qëndrimin indiferent dhe fshehjen e këtyre akteve nga Ministria e Arsimit, Policia e Shtetit dhe qeveria. Garantoj se akte të tilla në shkolla do dënohen me rreptësinë më të madhe se në mënyrën më të prerë, të armatosur me armë të ftohta apo të tjera, nuk do mund të futet kush në shkollë. Kjo që ndodh në shkollat tona po paguhet me gjakun e fëmijëve tanë dhe është i tëri skenar i narkoshtetit”, tha Berisha.