Ronaldo konfirmon kandidaturën për president të Federatës Braziliane të Futbollit
Ronaldo, ish-lojtar i njohur dhe pronar i Valladolidit në Spanjë, ka konfirmuar se do të kandidojë për president të Konfederatës Braziliane të Futbollit (CBF) në zgjedhjet e vitit 2026. Ky vendim, që dikur ishte vetëm një dëshirë, tani po merr një formë zyrtare. Pesë herë kampioni i botës me ekipin kombëtar të Brazilit kishte shprehur më parë dëshirën e tij për të udhëhequr këtë federatë, dhe tani ka bërë të qartë se do të angazhohet për këtë post.
Në një intervistë për “ge” të hënën, Ronaldo konfirmoi kandidaturën e tij për presidentin e CBF në zgjedhjet e ardhshme. Aktualisht, Ednaldo Rodrigues është president i CBF dhe mandati i tij është i vlefshëm deri në mars 2026, megjithatë, zgjedhjet mund të thirren një vit para kësaj, në mars 2025.
Për t’u bërë zyrtarisht kandidat, Ronaldo ka nevojë për mbështetje nga katër federata dhe katër klube, të paktën. Ai ka theksuar se do të udhëtojë nëpër Brazil për të kërkuar këtë mbështetje. “Ky njoftim është pikërisht për këtë, për t’u dërguar një mesazh presidentëve të federatave të klubeve se jam kandidat për kryesinë e CBF-së, kam plane të pabesueshme dhe para se dikush të angazhohet për votën e tij, do të doja të kisha një bisedë me secilin,” ka deklaruar ai.
Kolegji zgjedhor për postin e presidentit të CBF përbëhet nga federata dhe klube, të cilat kanë peshë të ndryshme në votim. Federatat e 26 shteteve dhe Distrikti Federal kanë një peshë prej tre votash secila.
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 12:30 Autobusi i linjës Durrës-Spitall përfshihet nga flakët në lëvizje
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë
- 11:49 Mes tensionesh dhe sharjesh transportohet drejt Traumës autori i vrasjes së policit në Maliq (VIDEO)