Hynë ilegalisht në territorin e Kosovës, arestohen shtetasit serbë

Policia e Kosovës ka njoftuar se të premten në mbrëmje, në pikëkalimin kufitar Dheu i Bardhë, janë ndaluar pesë shtetas të Serbisë të dyshuar për hyrje ilegale në territorin e Republikës së Kosovës.

“Njësia policore ka ndaluar një veturë me targa të Serbisë, e drejtuar nga një shtetas serb, ku ndodheshin edhe katër persona të tjerë, të gjithë shtetas të Serbisë. Dyshohet se ata kanë hyrë në Kosovë nga Serbia përmes rrugëve ilegale,” thuhet në njoftimin e Policisë së Kosovës.

Pas ndalimit, të dyshuarit janë shoqëruar në stacionin policor. Sipas Policisë, pas intervistimit dhe me vendim të prokurorit, ata janë liruar në procedurë të rregullt.

Rasti po trajtohet nga autoritetet kompetente.

LEXONI GJITHASHTU:

• Sulmi në Zubin Potok, reagon për herë të parë Vuçiç
• Kurti në Zubin Potok pas sulmit: Policia ka arrestuar disa të dyshuar