Kakavijë, 8500 persona kaluan në kufi në 24-orë, pritet rritje e fluksit në fundjavë

Në doganën e Kakavijes gjatë 24-orëve të fundit si shkak edhe i festimeve për Krishtlindjet është regjistruar një fluks i ulët lëvizje në kufi krahasuar me ditët e mëparshme.

Sipas Policisë Kufitare në Gjirokastër në Kakavijë kanë kaluar 8448 shtetas në hyrje – dalje, nga të cilët 6948 në hyrje dhe 1500 në dalje, si dhe 2458 mjete në hyrje – dalje, nga të cilat 1977 në hyrje dhe 481 në dalje.

Ditën e enjte gjatë lëvizjes në kufi nuk janë konstatuar radhë pritje. Pritet që fluksi i lëvizjes në Kakavije të rritet sërish gjatë fundjavës. Në këto ditë festash nëpërmjet doganës së Kakavijes kanë lëvizuar në të dyja anët e kufirit rreth 55 mijë persona.

LEXONI GJITHASHTU:

• Kakavijë, vijon fluksi në kufi për festat, 20 mijë persona lëvizën vetëm në fundjavë
• Media greke: Radhët në Kakavijë i zgjidh vetëm anëtarësimi i Shqipërisë në BE