“Topi i Artë ishte një padrejtësi”- Ronaldo: Kush merionte ta fitonte

Cristiano Ronaldo ishte një nga protagonistët kryesorë në mbrëmjen gala të zhvilluar në Dubai, ku ai u nderua me tre çmime në Globe Soccer Awards. Portugezi i njohur fitoi çmimin për karrierën e jashtëzakonshme, atë të golashënuesit më të mirë të të gjitha kohërave, dhe titullin e futbollistit më të mirë në Azi. Megjithatë, ajo që tërhoqi më shumë vëmendjen gjatë ceremonisë ishte deklarata e tij lidhur me fituesin e Topit të Artë, një çmim që ai e konsideron të kontestueshëm.

Ronaldo nuk ngurroi të shprehte mendimin e tij për çmimin prestigjioz, duke theksuar se për të ishte një padrejtësi që Rodri mori këtë trofe, ndërsa ai beson se Vinicius Jr. meritonte të ishte fitues. “Vinicius e meritonte Topin e Artë. Ishte një vendim i padrejtë në këndvështrimin tim. E meritonte edhe Rodri, por besoj se këtë vit më shumë nga të gjithë e meritonte Vinicius për atë gol në finalen e Ligës së Kampionëve,” tha Ronaldo. Ai gjithashtu e vlerësoi Globe Soccer Aëards për ndarjen e çmimeve në mënyrë më të ekuilibruar dhe të drejtë.

Në fjalimin e tij, Ronaldo shprehu falënderime për të tre çmimet që fitoi gjatë mbrëmjes dhe tha se ndihet ende në formë, pavarësisht se po i afrohet moshës 40 vjeç.

LEXONI GJITHASHTU:

• Cristiano Ronaldo bëhet i pari me 1 miliard ndjekës në rrjetet sociale
• E dua atë klub, Ronaldo: Manchester United të rindërtojë gjithçka nga fundi