Rritet niveli i ujit në liqenin e Fierzës, përmirësohet situata hidrike
Reshjet e stinës kanë rritur nivelin e ujit në Hidrocentralin e Fierzës në 270 metra. Në këtë situatë, garantohet më shumë prodhim energjie dhe ulet varësia nga importi.
Moti nuk ishte shumë i favorshëm për prodhimin e energjisë elektrike në vitin 2024, deri në stinën e vjeshtës. Mungesa e reshjeve i uli kuotat në hidrocentralin e Fierzës dhe furnizimi me energji u bë i kombinuar nga importi dhe prodhimi vendas.
Por në muajin dhjetor, reshjet e shiut dhe dëborës ndikuan pozitivisht në Drin, duke ngritur nivelin e liqenit në Fierzë mbi 270 m mbi nivelin e detit dhe duke shtuar prurjet e ujit në 200 m³ në sekondë.
Ndërkohë, parashikohet që nga klima e janarit, niveli i ujit të ngrihet afër pikës maksimale 296 m.
Për menaxhimin e situatës, sot hidrocentrali i Fierzës po prodhon energji elektrike me kapacitet të reduktuar, me një nga katër turbinat, me qëllim ruajtjen e rezervës hidrike.
Të dhënat nga Enti Rregullator i Energjisë tregojnë se në periudhën janar–tetor 2024 u prodhua rreth 6,4 teravat energji, ose 0,7 teravat më pak se 10-mujori i vitit 2023.
LEXONI GJITHASHTU:
Kryefaqja
Prodhimi i energjisë elektrike u rrit 43% në maj, HEC-ET mbajtën peshën kryesore
40 mijë kërkesa, shtyhet edhe 10 ditë afati i aplikimeve për subvencionet e fermerëve
Samiti i “Accenture Greqi” në Tiranë: Si inteligjenca artificiale po transformon bizneset
- 18:32 Mijëra hungarezë i bashkohen marshimit të parë të Krenarisë në Budapest që nga humbja e Orbanit
- 18:30 “Dorëheqja e Vuçiç do ndryshonte gjithçka në Serbi”, analisti: Ja kush do kishte përparësi
- 18:20 Eksperti: Vuçiç për disa javë do japë dorëheqjen si president
- 18:16 Humbja në Botëror ndez revoltën, tifozët kërkojnë largimin e trajnerit të Koresë së Jugut
- 18:12 Pogradeci mirëpret edicionin e 16-të të Festivalit Ballkanik të Filmit dhe Kulinarisë
- 18:09 Fenomeni i bullizmit, të rinjtë e Libohovës japin shfaqje teatrale sensibilizuese