Në kërkim ndërkombëtar, arrestohet në Tiranë “supermashtruesi” izraelito-kanadez

Roy Garin, 42 vjeç, me kombësi izraelite dhe shtetësi kanadeze, u arrestua në Tiranë nga Forcat Operacionale, pasi ishte i shpallur në kërkim ndërkombëtar për mashtrim të përsëritur në Gjermani.

Garin u lokalizua dhe u prangos në zonën e njohur si “Komuna e Parisit”, Tiranë, pas një operacioni të koordinuar mes Drejtorisë së Forcës së Posaçme Operacionale (FAST Albania) dhe Zyrës Federale të Policisë Kriminale të Gjermanisë (BKA), në bashkëpunim me rrjetin ndërkombëtar ENFAST.

Gjykata e Bambergut në Gjermani kishte lëshuar një urdhër arresti për 42-vjeçarin, i cili akuzohet për mashtrim të përsëritur, një vepër penale që sipas Kodit Penal gjerman mund të dënohet deri në 15 vjet burg.

Interpol Tirana po vijon procedurat për ekstradimin e tij drejt Gjermanisë.

“Gjatë operacionit, u lokalizua në zonën e quajtur “Komuna e Parisit”, Tiranë, dhe u arrestua provizorisht, me qëllim ekstradimin në Gjermani, shtetasi i shpallur në kërkim ndërkombëtar, R. G., 42 vjeç, me kombësi izraelite dhe me shtetësi kanadeze.

Gjykata e Bambergut, Gjermani ka lëshuar urdhër ndalimi për këtë shtetas, për mashtrim, të kryer në mënyrë të përsëritur, veprimtari kriminale për të cilën Kodi Penal i Gjermanisë parashikon dënim deri në 15 vjet burgim,” thuhet në njoftimin e policisë së shtetit.

LEXONI GJITHASHTU:

• Goditet një skemë e madhe mashtrimi me institucionet arsimore, arrestohet 20-vjeçari
• Zbardhet misteri! Kush është “Klea”, “mbesa e kryeministrit” që mashtronte me bursat