Aksidenti me vdekje në “Cërrik-Gramsh”, arrestohen 2 shoferët e mjeteve
Një aksident i rëndë ndodhi të hënën në aksin “Cërrik-Gramsh”, ku si pasojë e përplasjes mes dy automjeteve humbi jetën një pasagjer, ndërsa dy drejtuesit e mjeteve dhe një pasagjer tjetër kanë mbetur të lënduar.
Policia njoftoi të martën se dy shtetasit G.K., 21 vjeç dhe E.H., 39 vjeç, të cilët drejtonin mjetet e përfshira në aksident, janë arrestuar në flagrancë dhe akuzohen për veprën penale “Shkelja e rregullave të qarkullimit rrugor” me pasojë vdekjen.
Në aksident humbi jetën pasagjeri A.H., 52 vjeç, i cili ndodhej në automjetin që drejtohej nga 39-vjeçari E.H. Për fat të mirë, dy shoferët dhe një pasagjer tjetër që ndodheshin në mjetet e përfshira në aksident kanë pësuar lëndime të lehta dhe janë jashtë rrezikut për jetën.
Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, për hetime të mëtejshme dhe procedura ligjore për këtë rast tragjik.
LEXONI GJITHASHTU:
LIVE- Efektivi i policisë vritet në krye të detyrës në Maliq, plagoset kolegu. Reagimet e politikës
Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 10:27 LIVE- Efektivi i policisë vritet në krye të detyrës në Maliq, plagoset kolegu. Reagimet e politikës
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq