Ekskluzive/ Sylvinho “joshet” nga Botafogo, braziliani drejt largimit

Një largim i trajnerit Sylvinho nga kombëtarja shqiptare nuk do të ishte i habitshëm, edhe pse ai është nën kontratë, madje deri në fund të këtij viti kalendarik. Ditët e fundit kanë qarkulluar lajme për një interes nga Botafogo në drejtim të tij, madje për një bisedë të zhvilluar nga braziliani me pronarin e ekipit.

Gazetari i Euronews Albania, Enriko Gabaj, ka mësuar ekskluzivisht se tekniku Sylvinho është joshur nga oferta e kampionëve të Brazilit, por asgjë zyrtare deri më tani. Nga Brazili konfirmohet se tratativat kanë filluar, por ende ndodhen në fazën paraprake, megjithatë duke dhënë bindjen që largimi është i mundur dhe madje pritet në ditët e ardhshme. Në mars, Sylvinho nuk do të drejtojë kuqezinjtë, por do të synojë të mbrojë titullin kampion me Botafogo.

Paraprakisht palët janë dakordësuar, ndërsa i takon FSHF-së të vendosë nëse do t’i japë dritën jeshile 50-vjeçarit. Euronews Albania është interesuar edhe në burimet pranë qeverisë shqiptare të futbollit, por aty janë të rezervuar në lidhje me çështjen. Biseda do të bëhet mes drejtuesve dhe teknikut, dhe më pas do të merret vendimi.

Më herët ka pasur interes për Sylvinhon edhe nga Portugalia, por asokohe ishte FSHF që e bindi brazilianin të qëndronte, duke i dhënë besim për projektin e nisur.

LEXONI GJITHASHTU:

• Trajneri Sylvinho vijon turin e takimeve me lojtarët e kombëtares shqiptare
• Rikthehet Muçi dhe mungon Manaj, Silvinjo shpjegon zgjedhjet e lojtarëve