Aldor Nini propozon në SPAK monitorimin e rrjeteve sociale gjatë zgjedhjeve

Aldor Nini drejtuesi i “Acromax” ishte këtë të premte pranë Prokurorisë së Posaçme.

Nini i ka propozuar SPAK-ut që të krijojë një platformë për të monitoruar rrjetet sociale gjatë zgjedhjeve pasi sipas tij “lufta për vota tashmë është edhe në rrjete sociale”. Ai tha se mediat zyrtare sulmohen nga entitete apo media anonime gjithashtu edhe kandidatët për deputet kanë pasur probleme në rrjetet sociale pasi profilet e tyre janë “sulmuar” apo mbyllur me inicim të kundërshtarëve politik.

“Lufta për vota nuk është tashmë vetëm në terren, sikurse SPAK ka ngritur grupe të posaçme, por është edhe në rrjetet sociale. Në rrjetet sociale mediat tona zyrtare po sulmohen ditë për ditë nga entitete anonime në mënyrë që ti ndalojnë ato që mos të përhapin dhe informojnë publikun me informacione që duhen në zgjedhje.

Nga ana tjetër kemi media anonime të cilat përhapin lajme false në mënyrë të paligjshme dhe platformat në të gjitha këto raste nuk bëjnë asgjë. Kemi edhe kandidatë që janë duke kandiduar për votat e popullit tonë të cilëve u mbyllen profilet e Instagramit e Facebook-ut të cilat iniciohen nga kundërshtarët e tyre politik apo nga grupe të ndryshme interesi”,-tha Aldor Nini.

LEXONI GJITHASHTU:

• OSBE/ODIHR takime në PD, opozita kërkon mision monitorimi të zgjeruar për zgjedhjet
• Rama prezanton projektin: Monitorim me kamera të procesit mësimor