Shpërthim tritoli te muri i një biznesi në Fushë-Krujë, çfarë thotë policia

Një shpërthim me tritol ka ndodhur në Fushë Krujë, ku lënda shpërthyese është vendosur në murin e jashtëm të një punishte sallami në lagjen ‘Ish grumbullimi’ të Fushë Krujës.

Pronari D.M., ka deklaruar se nuk ka asnjë konflikt që mund të ketë çuar në këtë ngjarje.

Sipas informacionit nga Policia, rreth orës 06:50, në Stacionin e Policisë Fushë Krujë është paraqitur shtetasi D.M., i cili ka njoftuar se gjatë natës ka ndodhur shpërthimi i lëndës plasëse në rrethimin e jashtëm të biznesit të tij.

Si pasojë e shpërthimit, kanë pasur dëme të vogla materiale. Shërbimet e Policisë, së bashku me grupin hetimor, kanë shkuar në vendngjarje dhe po punojnë për të sqaruar rrethanat e ngjarjes, si dhe për të fiksuar çdo provë që do të çojë në identifikimin dhe kapjen e autorëve.

Ende nuk janë zbuluar shkaqet e shpërthimit dhe autoritetet ndërsa policia vijon hetimet dhe nuk ka dhënë ende informacione të tjera mbi të dyshuarit ose motivet e mundshme të shpërthimit.

LEXONI GJITHASHTU:

• U përplas nga një automjet në autostradën “Lezhë-Fushë Krujë”, humb jetën këmbësori
• Autobusi i punonjësve italianë në kampin e Gjadrit përplaset me dy automjete