Policia e Kosovës kryen aksion policor në dy rajonet e Mitrovicës

Policia e Kosovës ka nisur një aksion të vazhdueshëm policor të mërkurën në rajonet e Mitrovicës së Veriut dhe asaj të Jugut, të cilat kanë të bëjnë me kontrabandën e armëve dhe municionit.

Aksioni është duke u kryer nga njësia e Policisë së Kosovës kundër Krimit të Organizuar në disa lokacione në veri të Kosovës.

“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente, ka filluar realizimin e një operacioni policor i cili përfshinë dy rajone të Kosovës, atë DRP Mitrovicë Jugu dhe DRP Mitrovicë Veri. Operacioni policor ka të bëjë me luftimin e veprimtarive kriminale, të kontrabandimit me armë dhe municion”, tha Policia e Kosovës.

LEXONI GJITHASHTU:

• Politikani serb: Si dështoi plani i Vuçiç për dhunë dhe gjak në protestën 15 marsit
• Medvedev ironi pas bisedës Trump-Putin: Pjata kryesore në tryezë është “pulë Kievi”