Emrat/ Kush janë 4 të rinjtë që humbën jetën pasi u dogjën në makinë pas aksidentit

Një aksident i rëndë me 4 viktima ka ndodhur në Fushë-Prezë gjatë mesnatës pasi një automjet është përplasur me një betoniere duke shpërthyer më pas në flakë.

Ndërsa janë identifikuar 4 të rinjtë që u dogjën brenda makinës pas përplasjes me betonieren në fshatin Fushë-Prezë ndërsa dy prej tyre Enejdi dhe Erildi Laçi, janë vëllezër.

Personat që humbën jetën pas zjarrit në automjetin e aksidentuar janë 4 të rinj të moshës 20-25 vjeç; Enejdi Laçi, Erildi Laçi, Enrikejd Kurti dhe Andi Laçi nga fshati Borizanë i Fushë-Krujës.

Pas përplasjes së fortë, makina ka shpërthyer në flakë, ndërsa katër personat që ndodheshin brenda saj kanë humbur jetën pasi janë bllokuar në mjet dhe janë djegur pa pasur mundësi që të dalin.

“Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç’, thuhet në njoftimin e policisë.

Sipas policisë drejtuesi i betonieres 24-vjeçari Aleksandër Krrashi, nuk u gjet në vendin e ngjarjes pas aksidentit ndërsa më vonë është bërë i mundur ndalimi i tij.

Në vendin e ngjarjes kanë mbërritur edhe zjarrfikës nga Kamza por nuk është shmangur dot ngjarja fatale.

Tragjike në Tiranë/ Makina përplaset me betonieren, humbin jetën 4 të rinj 20-25 vjeç pic.twitter.com/2Hpl3mpEpS

— Euronews Albania (@EuronewsAlbania) March 20, 2025

LEXONI GJITHASHTU:

• Katër të rinj digjen brenda makinës, u përplasën me një betoniere në Fushë-Prezë
• Dinamika e aksidentit me 4 viktima, makina shpërtheu në flakë sapo goditi betonieren