Një aksident i rëndë ndodhi të mërkurën rreth orës 23:50 në Fushë-Prezë ku një automjet u përplas me një betoniere ku për pasojë humbën jetën 4 të rinj nga fshati Borizanë i Fushë-Krujës.
Sipas të dhënave nga vendi i ngjarjes makina shpërtheu në flakë menjëherë pas përplasjes.
Nga burime thuhet se betonierja sapo ka dalë nga puna dhe është futur në rrugë, pasi pranë vendit të ngjarjes është edhe pika e betoniereve.
Ajo ka qenë në lëvizje dhe automjeti tip Benz, në të cilin udhëtonin katër të rinjtë, ka ardhur nga pas dhe e ka goditur.
Makina e të rinjve ka shpërthyer menjëherë në flakë. Policia po heton nëse betonierja kishte sinjale stopa nga pas.
Personat që humbën jetën pas zjarrit në automjetin e aksidentuar janë katër të rinj të moshës 20-25 vjeç: Enejdi Laçi, Erildi Laçi, Enrikejd Kurti dhe Andi Laçi, të gjithë nga fshati Borizanë i Fushë-Krujës.
Të rinjtë mësohet se po ktheheshin nga Rinasi për në Fushë-Krujë pasi kishin marrë në aeroport Enejd Laçin, i cili sapo ishte kthyer nga Gjermania.
Tragjike në Tiranë/ Makina përplaset me betonieren, humbin jetën 4 të rinj 20-25 vjeç pic.twitter.com/2Hpl3mpEpS
— Euronews Albania (@EuronewsAlbania) March 20, 2025
LEXONI GJITHASHTU:
- Katër të rinj digjen brenda makinës, u përplasën me një betoniere në Fushë-Prezë
- Emrat/ Kush janë 4 të rinjtë që humbën jetën pasi u dogjën në makinë pas aksidentit
