Euronews siguron pamjet, momenti kur makina me 4 të rinjtë digjet pas përplasjes

Euronews Albania ka siguruar pamjet nga momenti kur automjeti me katër të rinjtë digjet menjëherë pas përplasjes me betonieren.

Aksidenti i rëndë ndodhi gjatë mesanatës në Fushë-Prezë ndërsa janë identifikuar katër të rinjtë që humbën jetën ku dy prej tyre, Enejdi dhe Erildi Laçi, janë vëllezër.

Personat që humbën jetën pas zjarrit në automjetin e aksidentuar janë katër të rinj të moshës 20-25 vjeç: Enejdi Laçi, Erildi Laçi, Enrikejd Kurti dhe Andi Laçi, të gjithë nga fshati Borizanë i Fushë-Krujës.

Pas përplasjes së fortë, makina shpërtheu në flakë, ndërsa katër personat që ndodheshin brenda saj humbën jetën pasi u bllokuan në mjet dhe u dogjën, pa pasur mundësi të dilnin.

“Si pasojë e përplasjes dhe përfshirjes së automjetit nga flakët, kanë ndërruar jetë drejtuesi i automjetit E. L., 25 vjeç, dhe 3 pasagjerët në mjetin e tij, E. L., 20 vjeç, E. K., 24 vjeç dhe A. L., 22 vjeç”, thuhet në njoftimin e policisë.

Sipas policisë, drejtuesi i betonieres, 24-vjeçari Aleksandër Krrashi, nuk u gjet në vendin e ngjarjes pas aksidentit, ndërsa më vonë u bë i mundur ndalimi i tij.

LEXONI GJITHASHTU:

• Dinamika e aksidentit me 4 viktima, makina shpërtheu në flakë sapo goditi betonieren
• Katër të rinj digjen brenda makinës, u përplasën me një betoniere në Fushë-Prezë