Spektakël në Ligën e Kombeve, Spanja dhe Franca kualifikohen pas penalltive

Gjermania, Spanja, Portugalia dhe Franca janë katër skuadrat që kanë siguruar një vend në gjysmëfinalet e Ligës së Kombeve, pas ndeshjeve emocionuese të çerekfinaleve të zhvilluara të dielën.

Takimet ofruan spektakël dhe dramatikë, me Spanjën dhe Francën që siguruan kalimin në fazën tjetër vetëm pas goditjeve nga pika e bardhë. Në Dortmund, Gjermania dhe Italia dhuruan një sfidë të jashtëzakonshme që përfundoi 3-3, por gjermanët avancuan falë fitores me rezultatin e përgjithshëm 5-4.

Ndërkohë, Franca përmbysi Kroacinë në shtëpi, ndërsa Portugalia e Cristiano Ronaldos arriti të kthejë në favorin e saj rezultatin ndaj kundërshtarëve.

Gjysmëfinalet premtojnë duele të zjarrta, me Gjermaninë që do të përballet me Portugalinë dhe Spanjën që do të sfidojë Francën për një vend në finale.