“Berisha nuk do ti njohë zgjedhjet”, paralajmërimi i Ramës me shqiptarët në Athinë

Duke folur përpara shqiptarëve në Athinë, kryeministri Edi Rama paralajmëroi se kreu i PD, Sali Berisha, nuk do t’i njohë zgjedhjet e 11 majit dhe do të shpallë pas votimeve se në zgjedhje ka ndodhur vjedhja më e madhe e votave në histori.

“Përgatituni që më 11 maj, në darkë, bufi i kënetës do të thotë fitore. Më 12 maj, pasdite, do të shikoni se nga këneta do të fryjë ajo era… dhe më 13 maj, në mëngjes, do të denoncohet vjedhja më e madhe e votave në histori. Ne e dimë këtë, por ajo që na intereson është ajo që do të bëjmë, duke ju ofruar juve paketën e mundësive për investime. 500 aplikantët e parë do të mund të investojnë pa taksa, pa TVSH, pa asnjë detyrim për 10 vjet rresht. Gjithashtu, Banka e Shqipërisë ka vënë në dispozicion një shumë prej 250 milionë eurosh për kredi me norma interesi nën 3% për të gjithë ata që dëshirojnë të ndezin oxhakun në shtëpinë e gjyshit apo stërgjyshit”, tha Rama.

LEXONI GJITHASHTU:

• Rama me shqiptarët në Athinë: Kush kthehet në Shqipëri, do të jetë më mirë se këtu
• “S’bëhet politikë me ushqimin”, Denaj për filetot me salmonelë: Kemi reaguar, por…