“Duhet të vini vijën e kuqe”, Peka deputetit të LDK: Ju si keni numrat për qeverinë

Ish-zv.ministri i brendshëm i Shqipërisë, Avenir Peka ishte këtë të martë i ftuar në “Now me Erla Mëhillin” në Euronews Albania ku ka komentuar zhvillimet e fundit politike në Kosovë.

Ai bëri disa sugjerime për krijimin e qeverisë së re të Kosovës, ku sipas tij koalicionet e mëdha do i prishnin punë interesave të Kosovës.

Përballë deputetit të LDK, Alban Zogaj, Peka tha se sido të krijohet koalicioni për formimin e qeverisë së re në kosovë, partitë duhet të vënë një vijë të kuqe që të mos preken interesat vitale të shtetit të Kosovë.

“Ju nuk i keni numrat, Lëvizja Vetëvendosje e Albin Kurtit nuk i bën dot numrat dhe shpresa juaj është që kur të vijë rradha për të bërë negociatat do keni edhe një dorë ndërkombëtare që të bëni numrat. Në këtë debat politikisht nuk i vë faj askujt.

Ajo çfarë është e rëndësishme, merreni edhe si këshillë publike miqësore, çfarëdo beteje politike që mund të bëni është që të keni një vijë të kuqe për interesat vitale të Kosovës, në mënyrë që të mos cënoni interesat shtetërore të Kosovës.

Sa i përket koalicioneve, nuk është në interes afatgjatë të Kosovës të ketë koalicione të mëdha, sidomos kur ka përplase të mëdha vizionesh. Ajo që unë sugjeroj është që për interesa afatgjata të Kosovës është më mirë të shkosh në zgjedhje të parakohshme se sa të krijosh koalicione të mëdha”,-tha Peka.

LEXONI GJITHASHTU:

• “Kurti kryeministër në detyrë”, deputetja e VV: Kush është opozita që të kërkojë…
• Dorëzohen 20 zarfet e parë për emigrantët, të parin e mori një shqiptar në Gjermani