U gjenden 30 kg kokainë në makinë, arrestohen dy shqiptarë në Zvicër

Javën e kaluar, rojet kufitare të Ticinos në Zvicër ndaluan dy shqiptarë, një 28-vjeçar dhe një 30-vjeçar, të cilët po transportonin 30 kilogramë kokainë në makinën e tyre në Mendrisiotto.

Sipas hetimeve fillestare, droga nuk ishte e destinuar për tregun zviceran ndërsa dy të arrestuarit, banues në Shqipëri, u kapën gjatë një kontrolli rutinë nga punonjësit e Zyrës Federale për Doganat dhe Sigurinë Kufitare (UDSC), të cilët zbuluan drogën të fshehur në automjetin me të cilin udhëtonin dy shqiptarët.

Në një deklaratë të publikuar të martën, Prokuroria Publike, Policia Kantonale e Ticinos dhe UDSC njoftuan se hetimi tani është i koordinuar nga prokurori publik Luca Losa, dhe synon të zbardhë origjinën dhe rrugën e kokainës.

Ndërkohë, të dy personat janë marrë në pyetje dhe janë akuzuar për shkelje të Ligjit Federal për Narkotikët. Sipas mediave zvicerane hetimet për këtë rast janë ende në vazhdim.

LEXONI GJITHASHTU:

• Një shtetas i Kosovës dyshohet se ka vrarë bashkëshorten dhe veten në Zvicër
• Shqiptari vret gruan dhe i vë flakën banesës në Zvicër, humb jetën në vendngjarje