Grabiti dhe dhunoi shitësen e një dyqani, shpallet në kërkim 48-vjeçari në Sarandë

Policia e Sarandës ka shpallur në kërkim shtetasin me iniciale J. K., 48 vjeç, i dyshuar për një ngjarje të rëndë që ndodhi një ditë më parë në lagjen nr. 2 të qytetit.

Sipas hetimeve paraprake, 48 vjeçari dyshohet se ka hyrë në një dyqan dhe nën kërcënimin e një mjeti prerës (thikë) ka grabitur me dhunë një shumë prej 60,000 lekësh nga shitësja, një vajzë 26-vjeçare. Më tej, ai dyshohet se ka ushtruar dhunë fizike mbi të dhe ka tentuar të kryejë marrëdhënie seksuale me forcë ndaj saj.

E reja ka pësuar dëmtime fizike si pasojë e agresionit dhe është ndihmuar menjëherë nga shërbimet mjekësore. Ndërkohë, Policia ka nisur një operacion intensiv për lokalizimin dhe arrestimin e autorit të dyshuar.

Materialet iu referuan Prokurorive përkatëse, për veprime të mëtejshme.

LEXONI GJITHASHTU:

• Konstituimi i Kuvendit të Kosovës, deputetët mblidhen sot në përpjekjen e dhjetë
• Makina godet këmbësorët në Gjermani, lëndohen disa persona