Kuvendi i Kosovës dështon në përpjekjen e 12-të për t’u konstituar

Deputetët kanë dështuar të konstituojnë Kuvendin e Kosovës edhe në përpjekjen e 12-të. Kryesuesi i seancës, Avni Dehari i LVV-së, sërish insistoi që zgjedhja e kryetarit të Kuvendit të ndodh përmes votimit të fshehtë.

Dehari kërkoi nga partitë politike të propozojnë emrat për formimin e komisionit verifikues, mirëpo PDK, LDK, Lista Serbe dhe AAK dhe Nisma nuk iu përgjigjen pozitivisht kësaj ftese.

Në sallë të pranishëm ishin 113 deputetë.

Seanca konstituive e Kuvendit të Kosovës ka nisur më 15 prill dhe procesi ka ngecur te zgjedhja e kryeparlamentarit pasi LVV-ja nuk po arrin të sigurojë 61 votat e nevojshme për kandidaten e tyre Albulena Haxhiu.

Seanca u ndërpre dhe Dehari tha se vazhdimi do të bëhet më 9 maj.

LEXONI GJITHASHTU:

• Komandanti Barduani: KFOR-i s’është i shqetësuar për ndonjë kërcënim në Kosovë
• Kuvendi i Kosovës tenton sërish të konstituohet mes bllokadës politike