Konflikti në Vorë, Spiropali: S’kanë punë kandidatët e drejtuesit politikë në KZAZ

Kryetarja e Kuvendit Elisa Spiropali tha në një prononcim për mediat nga Vora, ku paraditen e sotme u regjistrua një incident mes deputetit demokrat Flamur Noka dhe disa qytetarëve, se ndërhyrja e eksponentëve politikë nëpër KZAZ është e papranueshme.

Spiropali i bëri thirrje KQZ që të përsërisë thirrjen që si kandidatët ashtu edhe përfaqësuesit politik nuk duhet të qëndrojnë nëpër KZAZ duke intimiduar votuesit dhe komisionerët.

“Nuk ka nevojë për ndërhyrje, nuk ka nevojë të vijnë kandidatët në dyert e KZAZ, vazhdoni punën qetësisht. Uroj që kreu i KQZ të bëjë një deklaratë e ta përsërisë që si kandidatët ashtu edhe drejtuesit politikë nuk kanë punë të intimidojnë votuesit dhe komisonerët. Urojmë shumë që ato skena të shëmtuara të mos përsëriten”, tha ajo.

LEXONI GJITHASHTU:

• Fredi Beleri voton si eurodeputet në Himarë: Zgjedhjet janë festë e demokracisë
• Rama thirrje nga selia e PS: Votoni, votoni, votoni! Është detyrë qytetare