Reali transferon mbrojtësin spanjoll në garë me Barcelonën për Guehi

Reali i Madridit e ka nisur më herët se ç’duhet merkaton e transferimeve, ku ka zyrtarizuar futbollistin e parë që do të zbarkojë në Bernabeu.

Një mbrojtës është ai që ngre siparin e kësaj vere për klubin madrilen, konkretisht Dean Huijsen i cili merkaton e shkuar u bë pjesë e Bournemouth në Premier Leaguen angleze. 20-vjeçari i kushtoi plot 50 milionë euro arkave të klubit, ndërsa ka firmosur një kontratë deri në vitin 2030.

Qendërmbrojtësi shtatlartë vlerësohet maksimalisht për fizikun e tij e pritet të sjellë më tepër siguri në prapavijë, e me gjasa kjo lëvizje do të shoqërohet me largime nga kampi mbretëror. Largimi i Ancelottit dhe ardhja e Xabi Alonsos pritet të sjellin një sërë ndryshimesh në skuadër e asnjë lojtar nuk e ka vendin të sigurt. Sidomos reparti difensiv, pasi priten të tjera prurje, e një prej kandidatëve është Marc Guehi.

Britaniku është një nga lojtarët e preferuar, por për ta sjellë në Bernabeu duhet mposhtur konkurrenca me Barcelonën, pasi edhe katalanasit dëshirojnë transferimin e tij. 24-vjeçari e ka nisur karrierën te Chelsea, ndërsa aktualisht mban veshur fanellën e Crystal Palace që prej vitit 2021, ndërsa ka luajtur dhe për kombëtaren e 3 luanëve.

45 milionë euro vlen kartoni i tij, një shumë që mund të paguhet lehtësisht nga 15 herë fituesit e Champions League, por mbetet për tu parë nëse do të ketë reagim nga rivalët e përjetshëm, Barcelona.

LEXONI GJITHASHTU:

• Vinicius Junior nënshkruan kontratë të re me Realin deri në vitin 2030
• Ancelotti drejt largimit nga Reali, kush mund të jetë zëvendësuesi