Sulm me thikë në stacionin e trenit në Hamburg, të paktën 12 të plagosur

Dymbëdhjetë persona u plagosën në një sulm me thikë në stacionin kryesor të trenit në qytetin verior gjerman të Hamburgut të premten, tha policia lokale dhe departamenti i zjarrfikësve.

“Sipas informacioneve fillestare, një person plagosi disa persona me thikë në stacionin kryesor të trenit”, tha policia e Hamburgut në një postim në X, shkruan BILD.

Një zëdhënës i departamentit të zjarrfikësve të Hamburgut tha se 12 persona ishin plagosur dhe se disa prej tyre ishin në rrezik për jetën.

Sipas informacioneve të BILD, disa nga të lënduarit po marrin trajtim në trena. Sfondi i krimit është ende i paqartë, ddërkohë, një grua është arrestuar nga policia federale.

Shërbimi i trenit në stacionin kryesor është pezulluar plotësisht.

LEXONI GJITHASHTU:

• 5000 ushtarë të Bundeswehr: Gjermania brigadë tankesh në krahun lindor të NATO-s
• U arrestua se dhuroi para për Ukrainën, Moska liron gruan ruso-amerikane