Ish-kongresmeni thirrje ish-krerëve të UÇK në Hagë: Qëndroni të fortë

Ish-kongresisti amerikan, Tony P. Hall u ka dërguar një letër ish-krerëve të Ushtrisë Çlirimtare të Kosovës Hashim Thaçi, Kadri Veseli, Jakup Krasniqi dhe Rexhep Selimi, të cilët po mbahen padrejtësisht në Hagë, duke i inkurajuar ata të qëndrojnë të fortë dhe plot guxim në betejën për drejtësi.

Tony P. Hall kishte vizituar familjeve e ish-krerëve të Ushtrisë Çlirimtare të Kosovës në Kosovë para dy vitesh, për çka falënderon për mikpritjen e madhe.

“Mbahuni të fortë dhe të guximshëm, keni ende shumë për të bërë dhe keni mjetet shpirtërore për ta bërë këtë”, shkruan ish-kongresisti amerikan nga shteti Ohio në letrën e tij, raporton KosovaPress.

“Së pari, dua të them sa mirënjohës jam për miqësinë tuaj. Mendoj shpesh për ju dhe lutem rregullisht për ju, familjet tuaja dhe për Kosovën. Edhe pse gjatë kësaj vizite nuk arritëm të takoheshim personalisht, ta dini se ju nuk jeni harruar. Unë kam gjetur inkurajim të madh nga udhëzimi në shkrimet e shenjta se “Ne nuk i fiksojmë sytë tek ajo që shihet, por tek ajo që nuk shihet, sepse ajo që shihet është e përkohshme dhe ajo që nuk shihet është e përjetshme”.

Prandaj, mos u dekurajoni nga fakti se nuk munda të ulem sot së bashku me Ju, sepse unë jam me ju, pikërisht jashtë këtyre mureve! Vij edhe me miq tjerë që doja t’jua prezantoja, sepse shoqëria jonë po rritet, pavarësisht kufizimeve që kanë vënë ca njerëz! Kjo është një nga pikat e forta të besimit tonë, prandaj mbahuni të fortë dhe të guximshëm.

Së dyti, mos harroni se, edhe pse mund të jeni të mbyllur atje, forca juaj e vërtetë është te Zoti. Kur mendoj për situatën tuaj, më kujtohet forca që unë dhe miqtë e mi përjetuam kur punuam për pajtim në Tokën e Shenjtë. Ne besuam se ” Zoti nuk na ka dhënë një frymë frike, por fuqie, dashurie dhe vetëkontrolli… dhe me anë të Frymës së Shenjtë, që banon brenda nesh, ruajeni amanetin e shenjtë që ju është besuar”, thuhet mes të tjerash në letrën e tij.

LEXONI GJITHASHTU:

• Aktakuza e ndryshuar ndaj Thaçit në Hagë, reagojnë shoqatat e dala nga lufta
• Grenell: Bllokoni fondet për Gjykatën Speciale në Hagë