Moskonstituimi i Kuvendit, Kurti: Se ka fajin Albulena, po opozita

Kryeministri në detyrë i Kosovës, Albin Kurti, e ka cilësuar moskonstituimin e Kuvendit si një pengesë të qëllimshme nga ana e opozitës.

Ai theksoi se kandidatura e Albulena Haxhiut për kryetare të Kuvendit nuk është aspak në diskutim, ndërsa bllokimi i procesit po bëhet nga opozita përmes refuzimit të kuorumit në votimin e fshehtë.

“Albulena Haxhiu nuk është as në pyetje, as në pikëpyetje. Problemi është votimi i fshehtë, për të cilin opozita padrejtësisht dhe me dëm për shtetin e Kosovës po pamundëson kuorumin,” tha Kurti.

Deklaratën ai e dha pas pjesëmarrjes në edicionin e 16-të të konferencës vjetore shkencore “Java e Albanologjisë”, që u mbajt në Institutin Albanologjik të Prishtinës.

LEXONI GJITHASHTU:

• Kurti shkarkon një zëvendësministër pasi deklaroi se ndërkombëtarët “nxitën trazira”
• Kurti i drejtohet Kallas: Kosova të marrë statusin e vendit kandidat për në BE