EMRI| Operacioni “Ura”, arrestohet në Belgjikë shqiptar i shpallur në kërkim

Një shtetas shqiptar i akuzuar nga Prokuroria e Barit, për pjesëmarrje në organizatë kriminale për trafikim të lëndëve narkotike është arrestuar në Belgjikë.

Si rezultat i shkëmbimit të informacionit dhe bashkëpunimit policor ndërmjet homologëve të njësive të specializuara FAST, në vijim të operacionit “Ura”, Policia belge arrestoi në Belgjikë, shtetasin shqiptar, të shpallur në kërkim ndërkombëtar Gerti Aliu, 44 vjeç.

Prokuroria e Barit, në vitin 2025, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadrin e organizatës kriminale.

Kjo fazë e operacionit të koduar “Ura” është rezultat i punës së përbashkët të FAST Albanias, FAST Italisë dhe FAST Belgjikës, me koordinimin e rrjetit ENFAST.

LEXONI GJITHASHTU:

• Grupi Troplini, vijon prej 4 orësh seanca për 14 të arrestuarit e operacionit “Ura”
• Operacioni Ura, Gjykata e Tiranës miraton kërkesën për ekstradimin e Ekil Ndërjakut